دراسة لعين بشرية زرقاء بألوان الخشب فى مساحة (31*24 سم) خدت منى حوالى 4 ساعات رسم تعتبر اول دراسه ليا للعين البشريه فى الحجم الكبير ده التجربة كانت ممتعه وإن شاء الله حكررها مرات تانية حاولت اخليها طبيعيه وحقيقيه على قد ما اقدر والحمد لله راضى عن النتيجه حصل بس شوية مشاكل معايا فى رسم الرموش إن شاء الله يما أكرر التجربه تطلع أفضل من كده استخدمت الوان خشب Faber-Castel العلبه الحمرا الرسم عموما بالألوان الخشبيه ممتع وجميل خصوصا للى بيحب الرسم بالرصاص أكيد حيعشق الرسم بالألوان الخشبيه المهم بفكر ارسم رسمه تانيه ضخمه لوجه بنى ادم حجم العين يكون اد العين دى أعتقد حتبقى فرصه جميله لأضافة تفاصيل كتيره بسهوله خصوصا مع المساحه الأكبر من دون برى الاقلام بالبرايه...
لأضافة تفاصيل فى حجم ورقه صغير تحتاج إلى برى القلم الرصاص أو اللون الخشبى لغاية ما يبقى سنه زى الابره عشان تضيف تفاصيل واقعيه فى مساحه صغيره لكن لو المساحه اللى بترسم فيها كبيره مش حتحتاج تبريه للدرجه دى عشان ترسم التفصيل الصغيره.
فى مشكله تانيه برده حصلت معايا فى الرسمه دى وهى بؤبؤ العين الازرق غير مكتمل الاستداره للاسف اثناء الرسم مخدتش بالى غير يما خلصتها احيانا الواحد بيبقى بيرسم والرسمه معوجه ناحيه ايدى اليمين فالنسب احيانا مش باخد بالى منها لازم الواحد كش شويه يتاكد ان النسب صح بانه يبعد عن الرسمه ويشوفها من بعيد بزوايا مختلفه للتاكد من خلوها من المشاكل اللى زى دى.
لأضافة تفاصيل فى حجم ورقه صغير تحتاج إلى برى القلم الرصاص أو اللون الخشبى لغاية ما يبقى سنه زى الابره عشان تضيف تفاصيل واقعيه فى مساحه صغيره لكن لو المساحه اللى بترسم فيها كبيره مش حتحتاج تبريه للدرجه دى عشان ترسم التفصيل الصغيره.
فى مشكله تانيه برده حصلت معايا فى الرسمه دى وهى بؤبؤ العين الازرق غير مكتمل الاستداره للاسف اثناء الرسم مخدتش بالى غير يما خلصتها احيانا الواحد بيبقى بيرسم والرسمه معوجه ناحيه ايدى اليمين فالنسب احيانا مش باخد بالى منها لازم الواحد كش شويه يتاكد ان النسب صح بانه يبعد عن الرسمه ويشوفها من بعيد بزوايا مختلفه للتاكد من خلوها من المشاكل اللى زى دى.
ليست هناك تعليقات: