مش طريقتى فى الرسم بس حبيت أجرب طريقة جديدة بالنسبالى الرسمة منقولة من رسمة للفنان الأسبانى Leonid Afremov أنا غيرت بس فى الخلفية خليت نص ابيض ونص احمر واديها هى اللى بتشق فى الوسط بالنسبه للاسلوب ده فى الرسم للى عاوز يشوف رسومات اكتر بالاسلوب ده يبحث عن رسومات الفنان الاسبانى Leonid Afremov فى جوجل حتلاقوا ابداعات فنيه استخدمت الوان الجواش فيها والرسمة فى مساحة مساحة (24*34 سم) بالنسبه ان الواحد ينقل او يقتبس فكره من رسمه لفنان ويعدل عليها أنا شايف أنه مش عيب طالما مش بنسب الفكره لنفسى وبوضح انها منقوله غير انه النقل بيكون مفيد للدراسه وللتعلم على اساليب الرسم والتلوين المختلفه لفنانين مختلفين وكل ده بيتركز فى زاكرة الفنان وبيفيد بعد كده يما الواحد يحب يرسم حاجه من خياله...
يعنى مثلا بالنسبالى وأنا صغير كنت نادرا جدا يما بنقل رسومات معظم رسوماتى من خيالى هو شئ جميل والاعمال بتكون بغزاره أكثر عشان الواحد يما بيكون بينقل بيكون حريص انه يطلع الشكل والنسب زى الأصل وده بياخد وقت فالاعمال تقل لان الواحد بيحس بكسل اكتر لانه بيبقى موضوع مجهد غير يما الواحد بيرسم من خياله بيكون ليها متعه خاصه لكن النقل مهم لمعرفة طرق التظليل والتجسيم ورسم النسب بطريقه سليمه وتوزيع الظل والنور.
ليست هناك تعليقات: