أول تجربة ليا لرسم بورترية بالوان الخشب شاركت بيها فى المعرض الفنى الثانى لكلية التربية الفنية بالتعاون مع جمهورية صربيا فى الرسمة دى مكنش هدفى اوصل للواقعيه فى الرسم على اد ما كان هدفى اظهر جمال تباين الالوان الاساسيه فى الوجه لان الفن للفن بجماله وملوش علاقه بالواقعيه العنين برده واسعه زى رسوماتى السابقه كانت تجربتى الأولى مع الألوان الخشبيه واستمتعت بيها والألوان الخشبيه عموما هى من أفضل الخامات المحببه لقلبى لتشابهها بأقلام الرصاص التحكم عموما عن طريق القلم بيكون أسهل من الفرشه والأقلام الخشبيه بيبقى ليها طابع مميز وجميل...
لكن طبعا نوعها وجودتها حتفرق كتير معاك يعنى مثلا مينفعش نقارن الأقلام الخشبيه اللى كنا بنجبها زمان ايام المدرسة الرخيصه اللى ب 5 جنيه بأقلام خشب Faber-Castel الأقلام الرخيصه العاديه شمعيه ودمج الألوان بيها يكاد يكون مستحيل والألوان بتكون باهته لازم تضغط جامد عليها وبرده باهته.
بأختصار لو ليك تجارب سيئه مع الوان الخشب ولسه مجربتش الوان خشب Faber-Castel أنصحك بتجربتها حتى أقلام Faber-Castel متوفر منها بأنواع وجودات مختلفه و الوان خشب فيبر كاستل ليست هى الوحيده اللى جودتها كويسه فى ماركات تانيه تستحق التجربه زى PrismaColor و Derwent.
بالنسبه ليا اخترت Faber-Castel المتوفره بالعلب الحمرا سعرها مناسب مقابل الجوده اللى بتقدمها فى جودات تانية أفضل فيها بس بأسعار غاليه جدا يعنى مثلا أقلام خشب Faber-Castel العلبه الحمرا 48 بحوالى 80 جنيه مصرى مش فاكر بالظبط وفيه منها بيسيح بالمايه ويبقى زى الوان الميه وفيه منها لا ونفس السعر او فارق بسيط اما faber-castell polychromos العلبه الخضرا ال 12 لون بحوالى 120 جنية طبعا عشان الواحد يعرف يرسم ويعمل تظليل حيتاج أكثر من درجه من كل لون مش أقل من 36 لون أو 48 لون فحتبقى غاليه جدا فالعلب الأكبر.
بأختصار لو ليك تجارب سيئه مع الوان الخشب ولسه مجربتش الوان خشب Faber-Castel أنصحك بتجربتها حتى أقلام Faber-Castel متوفر منها بأنواع وجودات مختلفه و الوان خشب فيبر كاستل ليست هى الوحيده اللى جودتها كويسه فى ماركات تانيه تستحق التجربه زى PrismaColor و Derwent.
بالنسبه ليا اخترت Faber-Castel المتوفره بالعلب الحمرا سعرها مناسب مقابل الجوده اللى بتقدمها فى جودات تانية أفضل فيها بس بأسعار غاليه جدا يعنى مثلا أقلام خشب Faber-Castel العلبه الحمرا 48 بحوالى 80 جنيه مصرى مش فاكر بالظبط وفيه منها بيسيح بالمايه ويبقى زى الوان الميه وفيه منها لا ونفس السعر او فارق بسيط اما faber-castell polychromos العلبه الخضرا ال 12 لون بحوالى 120 جنية طبعا عشان الواحد يعرف يرسم ويعمل تظليل حيتاج أكثر من درجه من كل لون مش أقل من 36 لون أو 48 لون فحتبقى غاليه جدا فالعلب الأكبر.
ليست هناك تعليقات: