بقالى كتير مرسمتش حاجه جديدة قعدت افكر ترسم مين يا واد يا شادى ترسم مين وبعد تفكير عميق وقع الأختيار على Adele ودى كانت النتيجه حصل شوية مشاكل معايا فى نسب الوجه اكتشفتها بعد مخلصت رسمها كسلت اعدلها لانها حتبقى شبه محتاجه تترسم من اول وجديد وحاولت اخلى الشفايف طبيعيه بس حسيت انها باظت منى عموما هى تجربة استفدت منها واتعلمت مع الاخذ فى الاعتبار ان ده اول بورتريه ارسم اتجاه الوجه فيه زاوية مش من الأمام مباشرة واستخدمت برده استيكة الفحم لعمل اللمعه فى شعرها الرسمه خدت منى حوالى 8 ساعات رسمتها على ربع فرخ فى مساحة (35 سم*50 سم) والحمد لله الشعر طلع حقيقى هو والحلق والعينين متهيالى دى الحجات اللى نجحت في تحقيقها فى الرسمه دى ووفقت فيها غير كده إن شاء الله حبقى ارسمها مره تانية وتطلع أفضل من المره دى...
اما عن Adele فهى مغنية بريطانية عندها 27 سنه تعتبر من المغنين الاجانب اللى دايما بحب اتابع اعمالهم تعتبر راقيه خصوصا فى الكلمات مقارنتا بالباقى اللى على الساحة دلوقتى لو فى حد لسه مسمعلهاش حاجه انصحه يبحث عن اعمالها تستحق الاستماع.
ليست هناك تعليقات: