رسمتى لأدولف هتلر وحكايتى معاها

الرسمة دى كانت لمسابقة معرض خاص بسفارة صربيا فى القاهرة طبعا المسابقة مكانتش لرسم بورتريهات لشخصيات سياسية وعرفت بالمسابقة قبل معاد التقديم بيوم فمجاش فبالى ساعتها غير هتلر بس الرسمة متقبلتش فى المعرض بس يما رحت المعرض لقيت واحد هناك قالى أنت مشارك بأيه قولتلوا هتلر بس الرسمة متقبلتش اساسا فقالى مهو لازم يرفضوها ما أنت رسملوهم هتلر اللى أحتلهم وعاوزهم يكسبوك المهم أكتشفت بعد كده كمان من النت أن المعرض والمسابقة كانت بمناسبة مرور 100 عام على الحرب العالمية الأولى يعنى صربيا جيه تحتفل فى مصر وأنا جى افكرهم بيومهم الأسود...

ده كان درس ليا بعد كده أن المفروض ادرس الأول الجهه اللى حقدم فيها العمل الفنى ومتطلباتهم كويس قبل ما اعمل حاجه على مزاجى وتترفض بعد كده وعلى الرغم كل شئ الواحد بيمر بيه ويقول ده درس وحتعلم بلاقى نفسى بقع فى نفس اخطائى بس حقول ايه ؟ ده درس وحتعلم المهم على الرغم ان الرسمة اترسمت بلهوجه وفيها مشاكل وانعوجاجات إلا انها ليا معزة خاصة عندى وشكله طلع معايا كاريكاتيرى.