رسمتى لغلاف كتاب نرويجى عجبتنى رسمة الغلاف فحبيت ارسمها الكتاب اسمة Tilstrekkelig vakkert وعلى حسب ترجمة جوجل معناها جميلة بما فيه الكفاية قصة الشعر مستفزة شوية بس اهو ظروفها كده بقى بس مش عارف حاسس انها بقت شبه مديحه كامل بعد ما خلصت بس الرسمه الأصليه مكنتش شبه مديحه كامل زى دى حبيت اخلى العينين كبيره وغيرت فى البصه شويه عشان تبقى عميقه ومعبره بغض النظر عن كده أنا دايما بحب أرسم العيون كبيره المهم الرسمه رسمتها بالرصاص فى مساحة ربع فرخ (35سم*50 سم) واستخدمت استيكة الفحم لعمل لمعة الشعر...
استيكة الفحم دى بتبقى عباره عن حاجه اشبه بالصلصال بتمسح الرصاص ميزتها عن الاستيكه العادية انك بتقدر تشكلها على حسب حسب حجم المكان اللى عاوز تمسحه والتحكم فى درجة التخفيف على حسب الضغط عليها و على حسب مرات مرورك على نفس المكان لتقليل الرصاص منه وده غير متوفر فى الاستيكه العاديه لكن طبعا لو فى رصاص تقيل وعاوز تمسحه فالافضل انك تستخدم الاستيكه العاديه لأنها حتمسح افضل اما عن استيكة الفحم فهى موجوده فى المكتبات الفنية الكبيره زى مكتبة سمير وعلى ومكتبة الوان دى صفحاتهم على الفيس بوك لمعرفة عناوين فروعهم وتليفوناتهم واخر عروضهم
مكتبة سمير وعلى : https://www.facebook.com/SamirAlyStationeryHousesCo
مكتبة سمير وعلى : https://www.facebook.com/SamirAlyStationeryHousesCo
ليست هناك تعليقات: