بورتريه لرجل غاضب مجنون بألوان المية فى مساحة (24* 34 سم) الشخصية كاريكاتيرة اكتر منها واقعيه النظره فيها ازدراء وتعالى وجنون عظمه يمكن النظره دى افضل حاجه فى الرسمه دى برده العنين كبيره زى باقى رسوماتى الشعر مكنش هدفى يكون واقعى رسمته بشكل تصميمى اكتر منه واقعى كان هدفى الجمال العام والشكل التصميمى مش الواقعيه استخدمت الوان الميه فى رسمه والألوان برسم بيها بميه قليله وبفرشه رفيعه فمفيهاش احساس الوان المية اللى احنا متعودين عليها نشوفه منها...
المهم التجربة كانت ممتعه بالنسبالى ومفيده خصوصا فى رسم العنين وزاوية الوجه جديده عليا مش متعود انى ارسم الوجه بزوايا زى دى الوان الميه عموما من الخامات الممتعه هى والوان الخشب والدمج بينهم بيدى نتايج خرافيه وأكبر مثال على ذلك رسومات الفنان Atomic circuS اعماله متنقه وبيستخدم الوان الخشب اللى بتسيح زى الوان الميه وبيكمل فوقيها رسم تفاصيل بألوان الخشب.
دى صفحته على الفيس بوك للى حابب يتفرج على اعماله :
المهم نرجع للرسمه بتاعتى حصل معايا شوية مشاكل فى الشعر من فوق على الشمال بس للأسف عيب الوان الميه ان الواحد لو مصلحش الغلط بالميه فى وقتها بينشف ومش بيتشال وطبعا على حسب نوع وجودة الألوان فى الوان ميه مش بتتصلح حتى لو لسه اللون مرسوم من ثانيه وفيه بتقبل التصحيح شويه على حسب على عكس الرصاص والوان الخشب اللى بيقبلوا التصحيح فى أى وقت عشان كده الوان الميه بتبقى محتاجه حد محترف وثق من نفسه ومجهز فكرته عن العمل فى الورقه.
ليست هناك تعليقات: