بورتريه الملكة نفرتيتى بألوان المية فى مساحة ربع فرخ (35*50 سم) حبيت اجرب شئ جديد وخليت الالوان هاديه فى الرسمة دى على غير عادتى لحبى للالوان الفاقعه دى تعتبر أول مره الون بالوان الميه باحساس الوان الميه لانى استخدمت ميه أكثر من عادتى اثناء التلوين وفرشه كبيره لكنى دايما بلون بالوان الميه بفرشه رفيعه ويدوبك بلمسها ميه على الخفيف فبتدينى احساس الوان الخشب مش الميه المهم على الرغم إنى مش بحب الرسومات الفرعونيه إلا ان الرسمه دى من الرسومات اللى عجبتنى ورضيت بالنتيجه النهائيه ليها فيها طابع فنى جمالى مع الفرعونى بس للأسف حصل معايا شوية مشاكل فى التاج بس إن شاء الله لو رسمتها مره تانيه تبقى أفضل...
بالنسبه للعينين برده واسعه وكبيره زى عادتى بس مش عارف شفايفها او دقنها حاسس انها خلت شكلها كبير فى السن مش زى ما احنا متعودين اننا نسمع عنها انها فى غاية الجمال ربما أكون ظلمتها وربما لا عموما كده كده احنا معندناش صورتها الحقيقيه مجرد تماثيل ممكن يختلف شكلها فى الحقيقه عن التماثيل.
عموما كانت من التجارب الجديدة بالنسبالى فى الرسم واستمتعت بيها وخصوصا انى عامل خلفيه للرسمه على غير عادتى دايما مش متعود انى اعمل خلفيات لروماتى اما بكون خايف ابوظ الرسمه واما بكون حابب اسيبها بيضا افضل واركز على الشئ اللى برسمه.
بالنسبه للعينين برده واسعه وكبيره زى عادتى بس مش عارف شفايفها او دقنها حاسس انها خلت شكلها كبير فى السن مش زى ما احنا متعودين اننا نسمع عنها انها فى غاية الجمال ربما أكون ظلمتها وربما لا عموما كده كده احنا معندناش صورتها الحقيقيه مجرد تماثيل ممكن يختلف شكلها فى الحقيقه عن التماثيل.
عموما كانت من التجارب الجديدة بالنسبالى فى الرسم واستمتعت بيها وخصوصا انى عامل خلفيه للرسمه على غير عادتى دايما مش متعود انى اعمل خلفيات لروماتى اما بكون خايف ابوظ الرسمه واما بكون حابب اسيبها بيضا افضل واركز على الشئ اللى برسمه.
ليست هناك تعليقات: