بورتريه لرجل فرعونى

بورتريه لرجل فرعونى بألوان المية فى مساحة ربع فرخ (50*35 سم) الرسم كان بفرشة رفيعه وبميه قليلة عشان كده الرسمة مفيهاش احساس الوان المية من النظره الأولى كانها بألوان الخشب لكنها بألوان الميه استخدمت فرشه رفيعه جدا لرسمها مقاسها 3/0 وميه قليله باختصار كنت بعامل الفرشه كانها قلم النتيجه بالطريقه دى بتكون ممتازة لكن بتستهلك وقت كبير مقارنة بكمية اللى بيترسم بس طبعا المفروض الواحد ميفكرش كده أهم حاجه النتيجه لإننا بالشكل ده حنخش فى الصراع الابدى بين الجودة والكميه عن نفسى أنا مع الجودة الموضوع ده مش فى الفن وبس ده فى الصناعه كمان دايما كل شركه بيكون ليها نسبه معينه من الجوده ونسبه معينه من الكميه وبتختار تقف فى نقطه معينه ما بين جودة الانتاج وما بين كميه الانتاج عن نفسى أنا مع جودة الانتاج حتى لو كان والمردود المادى اقل لكن على المدى البعيد الشركة بتعمل اسم وثقه وده بياثر على المدى البعيد بيأسس قاعده جماهيريه...

عموما بغض النظر عن الرغى ده كله نرجعع للرسمه بالنسبه للمعان الابيض اللى فيها ده مش لون دى الورقه انا ملونتوش بس عملته جى على مفيش بتدريج عمل احساس جميل للمعه.

حصل برده للاسف مشكله فى الرسمه وهى لون البشره مختلف عن لون الجسم كنت ناقص نوم وسهران وأنا برسم ومخدتش بالى.