رسمتى لقطه بألوان الخشب فى مساحة (34*24 سم) حاولت اخلى الرسمة واقعيه واعمل تباين شديد فى الظل والاضاءه فى وش القطه على قد ما اقدر ليضفى شئ من الجمال والواقعيه عليها دى تعتبر اول رسمه ليا لقطه على الرغم حبى لقطط إلا انى مقتنع ان الطابع الافتراسى مغروز فيهم زى الاسود بالظبط لولا بس حجمهم الصغير كانوا اكلونا كلنا لا وحينكروا كمان هما بس عارفين حجمهم كويس وبيبان انهم حلوين ولزاز فالناس اعتبرتهم انهم كائنات اليفه اى أسد وهو صغير زى القطه بالظبط حيلعب معانا ومفيش مشاكل لاكن يما بيكبر وبيشوف حجمه وحجنا بالنسبه ليه وغرايز الافتراس بتظهر عليه ممكن تتغلب عليه فى أى وقت زى حكايه محمد الحلو مدرب الاسود وحكايته مع الاسد صاحبه اللى بيروضه...
المهم أنا رغيت كتير ونسيت نفسى وبعدت عن الموضوع الاساسى عن الرسمة بتاعتى الرسمه بأللوان الخشب Faber-Castel العلبه الحمرا نسخة ال 48 لون انا شايف عموما لو حد عاوز يجيب الوان خشب ميجبش اقل من 36 لون اقل من كده صعب الواحد يرسم رسم واقعى بأقل من 36 لون عشان الالوان الخشب غير الرصاص الرصاص الا لو الواحد حيرسم رسمه بألوان الخشب بلون وحيد مثلا كلها تبقى بالبنى أو بالازرق بتبقى ليها طابع جميل والنتيجه بتبقى حلوه.
بالمناسبه اللون الاسود فى الوان خشب Faber-Castel جميل ويمكن يستخدم بدل الرسم بالرصاص لانه عامل زى الفحم درجة السواد بتاعته انا اختبرتها بجانب قلم رصاص Faber-Castel 8B وهى اعلى درجه سواد فى الرصاص فى Faber-Castel الرصاص ولقيت اللون الأسود بتاع الوان الخشب Faber-Castel بيجيب درجة سواد أكثر من الرصاص غير انه فى نفس الوقت ممكن ترسم بيه الدرجات الخفيفه عادى جد كمان التحكم فى الدرجات السواد اسهل من الرصاص العادى فحيكون مناسب للى مش بيعرفوا يظبطوا درجة السواد كويس وبيستخدموا درجات مختلفه من الرصاص العادى غير كمان أن الأسود بتاع الالوان الخشبية Faber-Castel مش بيشلفط ويلطش وينزل بدره فحم وهباب كتير زى ما اقلام الفحم بتعمل يعنى استخدام مثبت الفحم مش حيكون ضرورى زى ما هو بيكون ضرورى اكثر مع اقلام الفحم خصوصا مثبتات الفحم بتغير فى درجة لون الرصاص ولون الورقه لو نوعها مش كويس.
المهم أنا رغيت كتير ونسيت نفسى وبعدت عن الموضوع الاساسى عن الرسمة بتاعتى الرسمه بأللوان الخشب Faber-Castel العلبه الحمرا نسخة ال 48 لون انا شايف عموما لو حد عاوز يجيب الوان خشب ميجبش اقل من 36 لون اقل من كده صعب الواحد يرسم رسم واقعى بأقل من 36 لون عشان الالوان الخشب غير الرصاص الرصاص الا لو الواحد حيرسم رسمه بألوان الخشب بلون وحيد مثلا كلها تبقى بالبنى أو بالازرق بتبقى ليها طابع جميل والنتيجه بتبقى حلوه.
بالمناسبه اللون الاسود فى الوان خشب Faber-Castel جميل ويمكن يستخدم بدل الرسم بالرصاص لانه عامل زى الفحم درجة السواد بتاعته انا اختبرتها بجانب قلم رصاص Faber-Castel 8B وهى اعلى درجه سواد فى الرصاص فى Faber-Castel الرصاص ولقيت اللون الأسود بتاع الوان الخشب Faber-Castel بيجيب درجة سواد أكثر من الرصاص غير انه فى نفس الوقت ممكن ترسم بيه الدرجات الخفيفه عادى جد كمان التحكم فى الدرجات السواد اسهل من الرصاص العادى فحيكون مناسب للى مش بيعرفوا يظبطوا درجة السواد كويس وبيستخدموا درجات مختلفه من الرصاص العادى غير كمان أن الأسود بتاع الالوان الخشبية Faber-Castel مش بيشلفط ويلطش وينزل بدره فحم وهباب كتير زى ما اقلام الفحم بتعمل يعنى استخدام مثبت الفحم مش حيكون ضرورى زى ما هو بيكون ضرورى اكثر مع اقلام الفحم خصوصا مثبتات الفحم بتغير فى درجة لون الرصاص ولون الورقه لو نوعها مش كويس.
ردحذفاخبار سيارات
سعودي اوتو
thank you
ردحذفشركة نقل عفش بالرياض