بورترية لبنت جميلة بضفيرة

رسمتى لبنت جميله بالرصاص فى مساحة ربع فرخ خدت منى حوالى 12 ساعة رسم على يومين شاركت بيها فى معرض التراسينا الأول للشباب بأستوديو جانكليز فى أسكندريه مكنش هدفى برده فى الرسمه دى انها تبقى واقعيه زى الشكل الادمى لا اهم حاجه كانت عندى وانا برسمها انى اظهرها جميلة حتى لو تكبير العيون بالطريقة دى خلاها مش بالشكل الادمى المتعارف عليه المهم أنا دايما مقتنع أن الفن للفن لجماله مش لواقعيته يعنى مش لازم الفن يعبر عن الواقع ولا لازم الفن يعالج مشكله أو يعرض مشكله ولا لازم يكون ليه هدف الفن يعنى جمال والجمال ده مش لازم يكون ليه سبب...

والجمال ده مش لازم يكون بشكله المتعارف عليه بالعكس الجمال ممكن يبقى فى شكل عفريت إلى أخره الجمال نسبى فى الأول وفى الأخر وفيه فلاسفه كتيره عرفت الجمال بتعارريف مختلفه ومتناقضه يعنى اختلافاتنا فى تقييم الأشياء من حوالينا راجعه لاختلافاتنا لمفهوم الجمال وماهيته وده بيرجع برده للذاكره البصريه لكل واحد فينا وبيرجع برده للاختلاف والتميز احيانا التمييز عن غير بيعتبره البعض جمال

مثال 1 : مجتمع مليان ستات شعرها أسود يما الناس تشوف واحده شعرها أصفر حيعتبروها جميله بغض النظر عن الشكل لمجرد الختلاف

مثال 2 : وعلى الكس مجتمع مليان ستات شعرها أصفر يما الناس تشوف واحده شعرها أسود حيعتبروها جميله بغض النظر عن الشكل

مثال 3 : مجتمع مليان رجاله بشرتها قمحى يما الناس تشوف واحد بشرته بيضه حيعتبروه وسيم بغض النظر عن شكله

مثال 4 : وعلى العكس مجتمع مليان رجاله بشرتها بيضا يما الناس تشوف واحد بشرته قمحى حيعتبروه وسيم بغض النظر عن شكله

فمعايير الجمال تختلف من شخص لأخر المهم أنا عارف أن كلامى ده مش حيعجب ناس كتيره بس ده رأيي وحبيت أقوله وزى الناس ما قالت زمان "أختلاف الرأى لا يفسد للود قضيه".